Tras a exitosa colaboración do curso de iniciación á cata de viños , o Colexio Oficial de Enxeñeiros Técnicos Agrícolas de Ourense e a entidade, sen ánimo de lucro, CDR Portas Abertas decidiron formalizar a súa cooperación mediante un convenio que establecerá un marco oficial para as súas futuras actividades conxuntas.

Ambas entidades comprométense a colaborar naqueles proxectos que sexa posible, compartindo espazos, actividades, profesionais e recursos dispoñibles. Esta colaboración reflectirase na publicidade e as comunicacións que ambas as institucións emitan en relación coas accións e eventos que desenvolvan conxuntamente.

Conscientes da situación actual da sociedade, o Colexio Oficial de Enxeñeiros Técnicos Agrícolas de Ourense e CDR Portas Abertas expresan a súa firme vontade de cooperar en iniciativas que beneficien á comunidade, contribuíndo así ao desenvolvemento e benestar da rexión.