O Colexio participou o pasado 8 de agosto na XIX Feira do Viño de Monterrei, nunha xornada de encontro coa colexiación da comarca e de achegamento á realidade dun sector vitivinícola estreitamente ligado ao territorio.

A presenza nesta celebración permitiu poñer en valor a identidade vitivinícola de Monterrei, así como o seu territorio, as súas variedades e as formas de traballo que caracterizan unha comarca cunha longa tradición e unha importante proxección dentro do sector vitivinícola galego.

Para o Colexio, acompañar aos profesionais que desenvolven a súa actividade nesta contorna supón tamén recoñecer o seu labor e destacar o papel fundamental da enxeñaría agrícola no desenvolvemento, modernización e evolución da viticultura galega.

A participación na feira foi, ademais, unha oportunidade para compartir experiencias, fortalecer os vínculos coa colexiación da comarca e coñecer de preto as necesidades e retos do sector.

Un encontro que permitiu celebrar o presente e mirar cara ao futuro dunha actividade profundamente vinculada ao territorio, á súa identidade e ao traballo dos profesionais que contribúen cada día ao seu desenvolvemento.