Os voraces incendios forestais que están a afectar distintas zonas do Estado deixan tras de si unha paisaxe desoladora e unha realidade alarmante: algúns terreos queimados poderían precisar máis de 60 anos para rexenerarse de forma natural. Así o advertiu o vicepresidente do Colexio de Enxeñeiros Técnicos Agrícolas, Pepe Paz, nunha intervención en La Sexta Noticias.
«Estamos a falar de máis dunha vida para que estes ecosistemas volvan ter a vitalidade de antes», destacou Paz, quen salientou o papel crucial dos enxeñeiros agrícolas na avaliación, reconstrución e protección do territorio tras o paso do lume.
A perda de solo fértil, a destrución da biodiversidade e o impacto sobre os ciclos hídricos son algúns dos efectos máis preocupantes que estes incendios deixan ao seu paso. A situación esixe non só acción inmediata, senón tamén unha planificación a longo prazo que poña o foco na restauración e na prevención.
“Precisamos conciencia, recursos e apoio”, reivindicou Paz, facendo un chamamento a toda a sociedade para coidar do patrimonio natural e garantir que as futuras xeracións poidan volver ver verde o que hoxe é cinza.
Podes ver a reportaxe completa aquí:
