O pasado 20 de decembro de 2024, celebrouse no salón de actos da Casa de Chocolate a Asamblea Xeral Ordinaria do Colexio Oficial de Enxeñeiros Técnicos Agrícolas de Ourense (COITA Ourense). A reunión estivo presidida polo presidente do colexio, Manuel Rojo, acompañado do secretario Miguel Ángel Viso, e contou cunha ampla participación dos colexiados.

Durante a sesión, aprobouse por unanimidade a acta da reunión anterior, así como os orzamentos previstos para o ano 2025. Estes orzamentos reflicten a planificación económica para dar continuidade ás iniciativas e proxectos do colexio, reforzando o seu compromiso co colectivo profesional e co desenvolvemento do sector agrario na provincia.

Ademais, o presidente informou sobre as actuacións e actividades realizadas ao longo de 2024, así como as previstas para o próximo exercicio.

Os colexiados valoraron positivamente os avances expostos, destacando a importancia de seguir traballando na promoción e defensa da profesión e no impulso de proxectos que favorezan a innovación e a sostibilidade no ámbito agrícola.